Efir davomida boshlovchi Kamoliddin Alimov "Paxtakor" va O'zbekiston milliy terma jamoasi posboni Eldor Suyunov bilan bog'lanishga erishdi. Mahoratli kiper o'tgan ikki o'yin hamda oldinda kutayotgan uchrashuv haqida fikrlarini bildirib o'tdi

"Al Hilol bilan o'yinda bir ochko qo'lga kiritdik deb o'ylayman. Ikki jamoa ham durangga mos harakat qildi. Ustunlik hech qaysi jamoada bo'lmadi. Raqib safida bir nechta futbolchilar koronavirusga chalingan bo'lsada biz bilan o'yinda o'sha etakchilar harakat qildi. Shota Arveladze o'yindan oldin bunga etibor qilmasdan, o'zimizning o'yinimizni o'ynashimizni takidlagan edi. "Al Hilol" bilan ikki o'yinda ham yaxshi o'ynadik. Birinchi uchrashuvda o'yinni nazorat qilgan bo'lsak, ikkinchi o'yinda kuch birinchi darajaga chiqdi.

Hamma jamoa bilan o'ynasa bo'ladi, "Al Hilol"ni ham, boshqa jamoalarni ham harakat qilsak mag'lubiyatga uchratishimiz mumkin. Qizil kartochka ko'tarilgan vaziyatda ikkinchi gol bo'lmasligi uchun qo'limni ko'targan edim. Qizil kartochka olishimni bilardim. Ohirida rekoshetdan gol o'tkazib yubordik, omad yuz o'girdi. Golga qadar hammasi reja asosida ketayotgan edi. Bitta o'yinga diskvalifikaciya qilindim. Keyingi o'yinda murabbiy ishonch bildirsa jamoamga yordam berishga tayyorman.

"Shabab Al Ahli"ning o'yinini Dragan bilan kuzatdik. Biz uchun bu finalga teng o'yin bo'ladi. Agar g'alaba qozonsak guruhdan chiqish masalasini hal qilgan bo'lamiz. Shundan keyingina keyingi bosqich haqida o'ylasak bo'ladi.

Qatarda mehmonxonadan chiqmaymiz, faqat ovqatlanishga, mashg'ulotlarga, nazariy mashg'ulotlarga chiqishimiz mumkin. Bizga ajratilgan maydonlarni sifati, tashkilotchilik barchasi yuqori darajada. Har uch kunda o'yin o'tkazishni tasiri bor albatta. Birinchi o'yinda ikki jamoada ham kuch bor edi. Ikkinchi o'yinda ikki jamoa kuchni tejagan holatda, ehtiyotkorlik bilan o'ynashdi. Uch kunda tiklanish qiyin bo'lmoqda",- deydi Eldor Suyunov.

Quyida "Tezkor studiya"ni to'liq holda tomosha qilish mumkin:

Eldor Suyunov: "Shabab Al Ahli" bilan o'yin biz uchun finalga teng"