"Shaxter" – "Real Madrid" 1:1
Gollar: 1:0 – 46 Zubkov, 1:1 – 90 Ryudiger.

"Shaxter" – Trubin, Konoplya, Matvienko, Bondar, Mixaylichenko, Mudrik (Petryak, 85), Stepanenko, Sudakov (Djurasek, 81), Bondarenko, Zubkov (Teylor, 82), Traore (Sikan, 77).

"Real Madrid" – Lunin, Nacho, Ryudiger, Mendi (Alaba, 68), Kroos, Valverde (Kamavinga, 68), Tchuameni (Modrich, 57), Vaskes, Benzema, Azar (Vinisius Junior, 57), Rodrigo (Asensio, 68).

Ogohlantirishlar: Konoplya (16), Militao (85), Bondarenko (88), Kroos (90).

Ushbu sahifada uchrashuvning matnli translyatsiyasini kuzatib borishingiz mumkin bo'ldi.

YANGILASH

Dramatik bahsda g'olib nomi aniqlanmadi. Aslida bugun mardlarcha kurash olib borgan mezbonlar ham, oxirigacha umidini uzmagan va qonga belanib bo'lsada, hisobni tenglashtira olgan mehmonlar ham g'olib. Bazan shunday o'yinlar bo'ladiki zavqlanishingiz uchun gollar ko'p bo'lishi ham shart emas.

90+10-daqiqada "Shaxter" yana bir bor to'pni burchakdan o'yinga kiritdi va shu pallada hakam o'yin yakunlanganini bildiruvchi hushtagini chaldi.

Ryudiger qaerga ketayotganini tushunib tushunmay bo'lsada, maydonni tark etdi. Ammo kiper hamon maydonda. Shifokorlar unga yordam ko'rsatishyapti.

Biroq bu erda muhimi kiper va Antonio Ryudigerning to'qnashuvi hamda uning oqibatida himoyachining yuzi qonga belangani bo'ldi.

90+5-daqiqa. GOOOOOOOOL! Kroos-Ryudiger juftligi niyatiga etdi. Tonining uzatgan to'pini Antonio bo'lsada, Toni deb chaqirishlarini yoqtiradigan Ryudiger darvozaga yo'lladi.

90+2-daqiqa. Uxx! Kroosning ko'rsatmasidan keyin jarima maydonchasiga yetib borgan Ryudigerning zarbasiga bir oz aniqlik etishmadi.

90-daqiqa. Hakam o'yinning asosiy vaqtiga 5 daqiqa qo'shib berdi.

90-daqiqa. Ogohlantirish! Kroosga ham sariq kartochka.

88-daqiqa. Ogohlantirish! Artyom Bondarenko burchak zarbasini amalga oshirishni juda cho'zib yuborgani uchun kartochka ishlab oldi.

87-daqiqa. Vaskes qanotdan to'pni jarima maydoniga uzatdi, Vinisius zarba berdi... Biroq bu safar ham noaniq.

85-daqiqa. O'zgarish! Mixail Mudrik ketdi, uning o'rniga Ivan Petryak tushdi.

Burchak zarbasidan keyin bu safar ham "qaymoqranglilar" niyatiga eta olmadi.

82-daqiqa. Modrichning ajoyib harakatlaridan keyin jarima maydonchasi ichida Benzema boshi bilan zarbaga tayyor turgandi, ammo himoyachi to'pni o'tkazmadi.

77-daqiqa. Mezbonlar navbat bilan maydonga qulashni boshlashdi.

73-daqiqa. "Real" qanchalik bosimni oshirmasin, "Shaxter" futbolchilari hozircha ancha ishonchli harakat qilishmoqda.

68-daqiqa. O'zgartirishlar! Bir yo'la uch nafar futbolchi alishtirildi. Mendi, Rodrigo, Valverde o'rniga Alaba, Kamavinga va Asensio tushirildi.

67-daqiqa. Zubkov hamyurti Lunin bugun o'zini u qadar yaxshi his qilmayotganini sezgandek. Hozir Aleksandrning zarbasidan keyin kiper qiyinchilik bilan to'pni qaytardi. Burchak zarbasi.

65-daqiqa. Qanaqasiga? Luninning kutilmagan harakatidan keyin to'p yana qaytib Traorega borib tushgandi, lekin ikkinchi raqamli forvard bo'sh qolgan darvozani mo'ljalga ola bilmadi.

63-daqiqa. Mehmonlar burchak zarbasini tezda amalga oshirishdi, lekin Modrich kutilmaganda to'pni oldirib qo'ydi.

60-daqiqa. Ferlan Mendi o'ng oyoqda zarba berib ko'rdi. Yaxshisi bunday qilmagani maqul edi.

Yangi futbolchilar tushib, hisobda ortda qolayotgan "Real"ning pressingi yanada kuchaygan bo'lsada, "Shaxter" baribir qisqa masofaga uzatmalar bilan himoyadan chiqmoqda.

57-daqiqa. O'zgarishlar! Taxminan 5-6 daqiqa kutgach, Vinisius Azarni, Modrich esa Tchuaeminini alishtirdi.

54-daqiqa. To'p maydondan chiqib ketmayapti. Shu sababli o'yinchi almashtirishning imkoni bo'lmayapti.

Anchelotti darhol maydondagi voqealarga reakciya bildirmoqda. Modrich va Vinisius maydonga tushishga tayyor.

50-daqiqa. Burchak zarbasidan keyin to'p Benzemaga kelib tushdi va u zarba berdi.

48-daqiqa. Bugun kuch tejamoqchi bo'lgan "Real" endi faollashishga majbur.

46-daqiqa. GOOOOOOL! Zubkov bu safar ham "Real" darvozasini ishg'ol qildi. Ferlan Mendi unga munosib qarshilik qila olmadi va bosh bilan zarba berishga qo'yib berdi.

46-daqiqa. Ikkinchi bo'lim boshlandi!

Jamoalar maydonga qaytishdi.

45+1-daqiqa. "Real" bu safargi urinishi ham oxiriga etmay qoldi va Orel Grinfild Trubin to'pni erkin zarba bilan o'yinga kiritishini ham kutib o'tirmay, hushtak chalib qo'ya qoldi.

45-daqiqa. Hakam birinchi bo'lmining asosiy vaqtiga 1 daqiqa qo'shib berdi.

41-daqiqa. Fede Valverdening uzoq masofadan amalga oshirgan zarbasidan keyin Trubin to'pni qaytarishga muvaffaq bo'ldi.

36-daqiqa. "Real"dan tiki-taka va ... bor yo'g'i burchak zarbasi. Bunga esa Trubin "aybdor".

33-daqiqa. Sudakov devor uslubida sherigi bilan o'ynab, zarbaga chog'lanayotgandi, ammo Nacho yetib kelib, to'pni maydondan chiqarib yubordi.

30-daqiqa. Kroosning kuchli zarbasidan keyin to'pni boshi bilan qaytargan Stepanenko maydonda yotibdi.

27-daqiqa. Zubkov jarima maydonchasiga kirib bordi va zarba berdi, lekin to'p yo'liga Nacho to'g'anoq bo'ldi.

25-daqiqa. Mudrik qanchalik tezkor bo'lmasin Ryudiger hozircha o'tkazmayapti.

21-daqiqa. "Shaxter" pressing uyushtirib ko'rdi, lekin Tchuameniga nisbatan fol qayd etildi.

16-daqiqa. Ogohlantirish! Keskin tashlanishi uchun hakam Konoplyaga sariq kartochka ko'rsatdi.

12-daqiqa. Ryudiger oldinga tashlagan to'pga Ferlan Mendi eta olmadi.

9-daqiqa. Eden Azar o'ziga berilgan imkoniyatdan maksimal tarzda unumli foydalanish niyatida.

7-daqiqa. "Shaxter" ham to'pni egallagach, shunchaki oldinga tepib, yo'qotish niyatida emas. "Konchilar" mezbon kimligini eslatib qo'yishga urinishmoqda.

5-daqiqa. Rodrigo kutilmagan harakat bilan himoyachilar qurshovidan chiqib ketishni niyat qilgandi, ammo bu amalga oshmadi.

Burchak zarbasini Kroos amalga oshirdi, ammo ish zarbagacha yetib bormadi.

3-daqiqa. Tezkor hujum o'ng qanotga ko'chdi, ammo mezbonlar Lukas Vaskesga imkon qoldirishmadi.

1-daqiqa. O'yin boshlandi!

YCHL. Ryudigerning "qonli goli" "Real"ni mavsumdagi ilk mag'lubiyatdan qutqarib qoldi