Coca Cola Superliga. Bugun "Navbahor" "Paxtakor" bilan o'ynaydi
"Navbahor" va "Paxtakor" jamoalari o'rtasidagi bahsni 27 yoshli Firdavs Norsafarov boshchiligidagi hakamlar brigadasi boshqarib boradi. 18:30 da start oladigan o'yin mazkur brigada uchun Superliganing joriy mavsumidagi 3-si bo'ladi. Ular bunga qadar "Andijon"ning "Qizilqum" va "Bunyodkor"ga qarshi o'yinlarida ishlashgan edi (shuningdek, Pro ligada ham bitta o'yin).
QIZILQUM – ANDIJON - 1:0
11 mart 2021 yil. Navoiy. "Yoshlar" stadioni. 18:30
Hakamlar: Firdavs Norsafarov, Farhod Usmonov, Zufar Eliboev, Naim Qosimov
Nazoratchi: Baxtiyor Tog'aev
Coca Cola Superliga, 3-tur
BUNYODKOR – ANDIJON 3:1
20 mart 2021 yil. Toshkent. "Bunyodkor" stadioni. 18:30
Hakamlar: Firdavs Norsafarov, Zufar Eliboev, Farhod Usmonov, Shohruh Qayumov
Nazoratchi: Vladislav Seytlin
Joriy mavsum statistikasining dalolat berishicha, Norsafarov sariq kartochkalarini har o'yinda o'rtacha 5 marta cho'ntagidan chiqarishga majbur bo'lyapti. Bundan tashqari, u 20 mart kuni o'tkazilgan 3-tur bahsida "Bunyodkor" vakili Ibrohim Tomivaga qizil kartochka ko'rsatgan edi.
Qiziqarli jihati, Norsafarov o'zi ishlagan ikkala bahsda ham 1 tadan penalti belgilagan (har ikkovi "Andijon" darvozasiga).
