Манбаларнинг маълум қилишича, клубдагилар жамоанинг сўнгги вақтлардаги муваффақиятсиз натижаларидан хавотирга тушишмаяпти. Бир кун аввал "Челси" АПЛнинг сўнгги уч турида ғалаба қозона олмаётган "Борнмут" билан 0:0 ҳисобида дуранг ўйнади ва пешқадам "Арсенал"дан 8 очко ортда қолган ҳолда тўртинчи ўринда бормоқда.
Қолаверса, клуб ҳозирда бош мураббий билан шартномани узайтириш ҳақида ўйламоқда. Амалдаги битим 2029 йилгача мўлжалланган.
