Muxlislar Toshkentda poytaxt derbisi guvohi bo'lishadi. Negaki "Lokomotiv" bu turni o'z maydonida "Paxtakor"ga qarshi o'tkazadi. Turnir jadvalida "Loko" 12 ochko bilan 8-o'rinni egallab turibdi. "Paxtakor" esa 14 ochko to'plagan holda 5-o'rinda boryapti.
"Lokomotiv" o'tkazilgan 9 o'yinda 4 marta g'alaba qozonib, 5ta uchrashuvda mag'lub bo'ldi. To'plar nisbati 11-11. "Paxtakor" 8ta uchrashuvdan uchtasida g'alabaga erishib, 5 bor durang o'ynadi hamda hozircha mag'lubiyatga uchragani yo'q. To'plar nisbati 8-4.
Bilasizmi? "Lokomotiv" oxirgi to'rt o'yindan uchtasida g'alaba qozondi. "Temiryo'lchilar" uyda "Surxon"ni mag'lub etib, safarda "Neftchi" va "Olimpik"dan ustun kelishdi.
Fakt: "Paxtakor" oxirgi 4ta o'yindan beri g'alaba qozona olmayapti. Bu jamoa AGMK, "Nasaf", "Surxon" va "Qo'qon-1912" bilan o'yinlarda faqat durang qayd etdi. "Paxtakor" oxirgi g'alabasini 4-turda nishonlagan bo'lib, "Navbahor"dan 1:0 hisobida ustun kelgandi.
23 may, dushanba
19:00. LOKOMOTIV – PAXTAKOR
Hakamlar: Rahimbek Karimov, Shohruh A'zamov, Shohnur Yo'ldoshev, Doston Mirzaraimov.
Nazoratchi: Igor Nexochin
VAR hakami: Asker Najafaliev
VAR assistent: Maksim Nexochin
VAR nazoratchisi: Vladislav Seytlin
Komissar: Sherzod Rajabov
