Bu haqda "Sky Sports" xabar bermoqda.
"Manchester Siti" APL, Angliya Kubogi va UEFA Chempionlar Ligasida g'olib chiqdi va mavsumni trebl bilan yakunlagan ikkinchi ingliz klubiga aylandi. Ilgari bu ishni 1998/99 yilgi mavsumda faqatgina "Manchester Yunayted" uddalagandi.
"Bu yoqimsiz. Lekin futbol o'zi shunaqa. Doimiy ravishda eng yaxshi futbol ko'rsatgan va ko'plab sovrinlarni qo'lga kiritgan eng yaxshi jamoa ("Siti" – tahr). Ular uchta kubokni olishdi, ofarin. Biz shunchaki oldinga intilishimiz kerak. Ularni saqlab qolish "Manchester Siti"ga bog'liq. Biz ularga yetib oliamizmi yoki yo'qligi o'zimizga bog'liq.
Ularni tabriklayman. Bu – futbol. Yangilik yo 'q. Bir necha yil avvalgi "Barselona" va "Real"ni eslang – ular doimiy ravishda eng yaxshi jamoalar edi, shuning uchun ham sovrinlarni qo'lga kiritishgandi. Manchesterdagi "Man Siti" paradi bizga motivaciya beradimi? Ha, 100 foiz", – dedi Reshford.
"Siti" APLda "Yunayted"dan 14 ochko oldinga o'tib ketdi. Shuningdek, "shaharliklar" Angliya Kubogi finalida "qizil iblislar"ni 2:1 hisobida mag'lub etdi.
