"San-Paulu" bosh murabbiyi Dorival Juniorning ketishini e'lon qildi. U Braziliya terma jamoasini boshqaradi. Mutaxassisning o'zi bu ma'lumotni tasdiqladi.
Mutaxassis "San-Paulu"da 2023 yilning aprelidan buyon ishlab kelayotgandi.
Dorival deyarli butun murabbiylik faoliyatini Braziliyada o'tkazgan. Bundan oldin u "Flamengo", "Searu", "Atletiko Paranaense", "Santos", "Palmeyras", "Kuritiba" va boshqa jamoalarni ham boshqargan.
Ayni paytda Braziliya terma jamoasi 6 uchrashuvda 7 ochko jamg'argan holda JCH-2026 saralash bosqichida 6-o'rinni egallab turibdi.
