Тошкент вақти билан 00:00да старт оладиган учрашувда Австрия ва Туркия терма жамоалари ўзаро баҳс олиб боришади. Ўйиндан олдин бўлиб ўтган матбуот анжуманида Австрия устози Ральф Рангник қуйида фикрларни билдириб ўтди.
"Биз тўпни жуда яхши назорат қиладиган ва ўйинга иштиёқ бера оладиган рақибга дуч келяпмиз. Биз биринчи жиҳатга ҳам, иккинчисига ҳам тайёр бўлишимиз керак. Ўз энергиямизни кўрсата олишимиз зарур. Бизга қайноқ юрак, лекин совуқ бош керак", - дея Рангникнинг сўзларини келтирди УЕФА расмий сайти.
