“Qizil iblislar” o'tgan mavsum yakunlariga ko'ra, APLda 6-o'rindan joy oldi va Yevropa Ligasiga ravona bo'ldi.

Endi 37 yoshli portugaliyalik manchesterliklar bilan birga o'zi uchun noodatiy bo'lgan musobaqada qatnashishiga to'g'ri keladi. Ko'pchilik Ronaldu Yevropa Ligasida debyut qilishi haqida aytmoqda, ammo forvard 2002 yil “Sporting” safida bu turnirda o'ynagan.

To'g'ri, o'shanda musobaqa UEFA Kubogi deb atalgan va formati biroz boshqacharoq edi, lekin g'oliblarni hisoblashda umumiy turnirdagi natijalar inobatga olinadi.

Lissabonliklar o'shanda saralashning ilk bosqichida “Partizan”ga (1:3, 3:3) engilgan. 17 yoshli Ronalduning evrokubokdagi yurishi shu tariqa omadsiz start olgandi. U ikkala o'yinda ham (birinchisida zaxiradan tushgan, javob o'yinida asosiy tarkibda) ishtirok etgan, ammo gol urolmagan.

Ma'lumot o'rnida, UEFA Kubogi 1971 yil tashkil topgan. Musobaqa 2009 yildan Yevropa Ligasi nomini olgan.

“Manchester Yunayted” 2017 yil chempion bo'lgan bo'lsa, 2021 yil finalda “Vilyarreal”ga imkoniyatni boy bergandi.

MYUdan tashqari bu mavsum ELda qatnashadigan taniqlilar qatorida “Roma”, “Arsenal”, “Lacio”, “Feyenoord” kabi klublar bor.

Demak, Ronaldu Yevropa Ligasi (UEFA Kubogi)dagi gollari hisobini ochishga yaqin turibdi. Musobaqa to'purari Xenrik Larsson (40 ta) hisoblanadi. Bir mavsumda gol urish bo'yicha rekord Radamel Falkao (17 ta) tegishlidir. Eng ko'p titulni esa “Sevilya” (6 ta) qo'lga kiritgan.

Eslatib o'tamiz, Yevropa Ligasi 2022/23 yilgi mavsum guruh bosqichiga 26 avgustda qur'a tashlanadi. Asosiy o'yinlar esa 8 sentyabrdan start oladi.

Bilasizmi? Ronaldu Yevropa Ligasida o'ynagan, ammo ...