"Bu mening "Atletiko"dagi so'nggi kunlarim. Tez orada qaytaman, deb umid qilaman. Men shunday bo'lishini xohlayman. Chunki bu mening uyim. Bu erdagi yillar ishonib bo'lmas darajada ajoyib o'tdi – faoliyatimdagi eng yaxshi yillar.
Klub menga ko'p narsa berdi. Tez orada qaytaman, chunki "Atletiko" muxlisiman. Jamoaga yordam bermoqchiman", - deydi 34 yoshli futbolchi.
Xuanfran 2011 yili "Atletiko"ga "Osasuna" klubidan o'tgan. U madridliklar bilan 8 ta sovrinni qo'lga kiritdi. Ularni orasida Ispaniya chempionligi va 2 ta Yevropa ligasi g'olibligi bor.
Avvalroq, "Atletiko"ni Antuan Grizmann va Diego Godin tark etishi ma'lum qilingandi.
