Бу ҳақда "AS" нашри хабар тарқатди.
Манбага кўра, айрим инглиз нашрлари тарқатган "мураббий ва футболчи ўртасида суҳбат бўлгани ва Арбелоа Трентга унга ишонмаслигини айтгани" ҳақидаги хабарлар ҳақиқатга мутлақо тўғри келмайди. Аксинча, испаниялик мутахассис футболчи билан мулоқотда бўлиб, унга ўз далдасини билдирган. Клуб раҳбарияти ҳали ҳам 27 ёшли ҳимоячини жамоанинг узоқ йиллик режаларидаги муҳим бўлак деб ҳисобламоқда.
Эслатиб ўтамиз, Александер-Арнольд ўтган ёзда "қироллик клуби" сафига келиб қўшилган эди. Шу вақт ичида у барча турнирларда 16 та ўйинда майдонга тушиб, 3 та голли узатмани амалга оширди. Унинг мадридликлар билан шартномаси 2031 йилгача мўлжалланган. "Transfermarkt" портали Трентни 70 миллион еврога баҳоламоқда.
