AQSH FIFAga Kennedi markazini 2026 yilgi JCH qur'asi uchun bepul taqdim etadi

Sherzod Nurmatov
13 noya 2025, 19:57
Xalqaro futbol federatsiyasi (FIFA) 2026 yilgi futbol bo'yicha Jahon chempionati guruh bosqichiga qur'a tashlash marosimini Vashingtondagi Jon Kennedi nomidagi Sanat markazida o'tkazish uchun pul to'lamaydi.

Bu haqda "The Washington Post" gazetasi xabar berdi.

Qur'a tashlash marosimi 5 dekabrda bo'lib o'tadi. 

Gazetaning ma'lum qilishicha, ushbu markazda bittagina koncert zali uchun kunlik ijara haqi 39 ming dollarni tashkil etadi.

24 noyabrdan 12 dekabrgacha Jon Kennedi nomidagi Sanat markazida Milliy simfonik orkestrning barcha rejalashtirilgan chiqishlari bekor qilinadi.

2026 yilgi Jahon chempionati AQSH, Meksika va Kanadada 19 iyundan 19 iyulgacha o'tkazilishi rejalashtirilgan.


Sherzod NurmatovMuallif
Manba: The Washington Post