Траоре - Хави ҳақида: "Афсонадан кўп нарсаларни ўрганмоқчиман"

"Қайтдим. Асосийси - бош мураббий билан гаплашиб, у мендан нималарни истаётганини билишим керак. Бор кучим билан ҳаракат қиламан. Олдинги қобилиятларимни йўқотганим йўқ. Ўйинчи сифатида ўсишга эриша олдим.

Мени бу ернинг ёшлар жамоаларида кўрганлар қандай инсон эканлигимни яхши билишади. Максимал натижалар беришга ҳаракат қиламан.

Мақсадим - меҳнат қилиш ва кундан-кунга кучли бўлиш. Ўзим учун доим бир гап айтаман: бирор кун ниманидир ўрганмасанг, у кунингни йўқотган бўласан! Афсонавий инсон, кўплаб совринларга эга чиққан футболчи ва ажойиб мураббий Хавидан кўп нарсаларни ўрганаман деган умиддаман.

Билдирилган ишонч учун миннатдорман ва буни майдондаги ўйинларим орқали оқлашга ҳаракат қиламан", - деди Траоре.