Пётр Пажишек: "Пахтакор"га келишим? Европадан ташқарида ўйнаб кўрмоқчи эдим.

"Финалда ўтган мавсумда олтин ва кумуш медалларга эга чиққан жамоалар тўқнаш келади. Курашларга бой ўйин бўлишини тахмин қиляпман. Эртага нима бўлишини майдонга билиб оламиз", - деди Пётр Пажишек финалдан олдин.

- "Навбаҳор"га қарши мағлубиятга қандай изоҳ бера оласиз? Финалдан олдин жамоа мағлубиятга учради.

- Футболда барча учрашувларда ғалаба қозониб бўлмайди. Биз бундай ўйин бўлишини кутмагандик, очиғи. Ўзимизга керакли хулосалар чиқариб олдинга юришда давом этамиз. Бу табиий ҳолат.

- "Пахтакор" қишки трансферлар ойнасида жуда кўплаб ҳужумчилар билан музокара олиб борди, лекин якунда жамоага сиз келиб қўшилдингиз. Музокаралар жараёни ҳақида батафсил айтиб берсангиз. Нега "Пахтакор"га келишга қарор қилдингиз?

- Музокаралар шартномага қўл қўйишимдан 2-3 ҳафта олдин бошланган эди. Улар менга алоқага чиқишди. Кўплаб мамлакатлардан таклифларим бор эди. Шу сабабли ўйлаш учун бироз кўпроқ вақт керак бўлди. Мен Европадан ташқарида ўйнаб кўрмоқчи эдим. Шунинг учун "Пахтакор" варианти менга мос тушди.

- Европадан ташқарида ўйнамоқчи эдим дедингиз. Нега бундай ниятингиз бор эди? Деярли барча футболчи Европада тўп тепишни орзу қилади-ку...

- Фаолиятимга назар ташласангиз Европадаги кўп чемпионатларда ўйнаб кўрганман. Ҳозир 32 ёшдаман ва яна 4-5 йил яхши даражада футбол ўйнаш имкониятим бор. Шу сабабли янги тажриба ва чақириқни истадим. Европа мен учун таниш, фаолиятимнинг сўнгги йилларини ўзимга таниш бўлган жойда ўтказиш мантиқсиз деб ўйлайман.