"ТерДУ" устози Элдор Бойматов: "Қуръа яхши бўлди, университет жамоалари кутилмаган совға қила олади"
03 mar 19:58
News
"ТерДУ" устози Элдор Бойматов: "Қуръа яхши бўлди, университет жамоалари кутилмаган совға қила олади"
Термизнинг "ТерДУ" жамоаси чемпионатни "Лочин"га қарши бошлайдиган бўлди. Биз бу борада "ТерДУ" бош мураббийи Элдор Бойматовнинг фикрлари билан қизиқдик.
"Қуръа яхши таассурот қолдирди десам янглишмайман. "Лочин" ҳам бизга ўхшаган янги жамоа. Ўтган йили улар билан тўқнаш келганмиз, қандай жамоа эканлигидан хабаримиз бор. Таркибга янги футболчиларни олди. Тажрибали мураббий бошқармоқда. "Лочин" билан яхши ўйин бўлади деб ўйлайман.
"ТерДУ" раҳбариятига миннатдорчилик билдирамиз. Тайёргарлигимиз режадагидек ўтди. Тошкентда йиғин ўтказдик. Ҳозир Сурхондарёда тайёргарлик кўряпмиз. Ўртоқлик учрашувлари бу борада ёрдам бермоқда. Мавсумга юз фоиз шай бўлишга ҳаракат қиламиз. Олдинда бир ой вақтимиз бор.
Рақибларимизга тўхталсам, "Шўртан", "Ғазалкент", "Металлург" таркибини кучайтирди. Қолган жамоалар тенг кучли.
Университет жамоалари анча кучайди. "ФарДУ" ўтган йили Про лигада қатнашди. "Лочин", "Жайхун" жамоаларида ҳам кўникма шаклланган. Шундай экан, бу клублардан кутилмаган сюрпириз кутиш мумкин", – деди Элдор Бойматов.
Similar news
championat.asia
ЕЧЛ. "Реал Мадрид" Вальверденинг хет-триги эвазига "Манчестер Сити"ни мағлуб этди
ЕЧЛ. "Барселона" меҳмонда "Ньюкасл" билан дуранг ўйнади
Суперлига. "Насаф" сўнгги дақиқаларда урилган гол эвазига "Динамо" билан дуранг ўйнади
ЕЧЛ. "Реал Мадрид" — "Манчестер Сити" 3:0
Comments