Тарихий рекорд: "Интер" "Барселона" билан ўйин чипталаридан 14,7 млн евро ишлаб олди
09 may 2025 11:45
News

Тарихий рекорд: "Интер" "Барселона" билан ўйин чипталаридан 14,7 млн евро ишлаб олди

Миландаги "Сан-Сиро" стадионида УEФА Чемпионлар Лигаси ярим финалининг жавоб учрашуви бўлиб ўтди, "Интер” қўшимча бўлимлардан сўнг "Барселона"ни 4:3 ҳисобида мағлуб этди.

Ўйинни 75 504 нафар мухлис томоша қилган.

"Corriere dello Sport" хабарига кўра, бу ўйинда Италия футболи тарихида чипта сотишдан тушган даромад бўйича рекорд ўрнатилди – "Интер" 14,7 млн евро даромад олди. Аввалги максимал кўрсаткич 2023 йилги Чемпионлар Лигаси ярим финалида "Интер" ва "Милан" ўртасида кузатилган бўлиб, ўшанда 12,5 млн евро ишлаб топилганди.

Энди Милан клубини Франция гранди "Пари Сен-Жермен" билан сўнгги қарама-қаршилик кутиб турибди. Чемпионлар Лигаси финали 31 май куни Мюнхендаги "Альянц Арена"да бўлиб ўтади.

Link :

Source : Corriere dello Sport

Receive latest football news directly on your phone. Subscribe for our Telegram channel!

Rating: +8