“Сельта”нинг янги мураббийи илк учрашувини собиқ клубига қарши ўтказади

Каталониялик мутахассис Оскар Гарсия виголиклар бош мураббийи этиб тайинланди. У мураббийлик фаолиятини “Барселона” тизимида бошлаган. Қизиқарли томони “Сельта” устози янги жамоасида илк учрашувни ўзининг собиқ жамоаси “Барселона”га қарши бошлайди.

Оскар Гарсия сўнгги икки мавсумни “Сент-Этьен” ва “Олимпиакос”да ўтказди. Мураббийнинг “Сельта” билан шартномаси мавсум охирига қадар тузилди.

Илгарироқ “Сельта” раҳбарияти Фран Эскрибани истеъфога чиқарганди.