Пеленинг портрети аукционда ярим миллион еврога сотилди. Харидор ҳаммамизга таниш
18 may 2024 00:50
News

Пеленинг портрети аукционда ярим миллион еврога сотилди. Харидор ҳаммамизга таниш

Ушбу аукциондан тушган маблағ хайрия ишларига сарфланади.

16 май куни ПСЖ клуби футболчилари Artcurial компанияси томонидан ўтказилган хайрия аукционида қатнашишди.

Афсонавий футболчи Пеленинг "Қирол" деб номланган портрети 5 минг евро бошланғич нарх билан савдоларга қўйилди.

Бошида ушбу картинага олти киши даъвогарлик қилди. Суратнинг нархи 300 минг еврога кўтарилганидан сўнг, курашга Килиан Мбаппе ва Ашраф Ҳакими қўшилди. Якунда Килиан жамоадошини қувиб ўтди ва Пеленинг портретини 520 минг еврога сотиб олди.

Ушбу тадбирда умумий ҳисобда 2,7 млн евро маблағ йиғилди. Бу пулларнинг барчаси хайрия мақсадида ишлатилади.