Latest news

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  7 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1

Ўзбекистоннинг италиялик таҳлилчиси Каннавародан таклиф, "Squadra Azzurra"нинг муваффақиятсизлиги ҳамда U-17 жаҳон чемпионати нимчорак финали ҳақида гапирди News

Ўзбекистоннинг италиялик таҳлилчиси Каннавародан таклиф, "Squadra Azzurra"нинг муваффақиятсизлиги ҳамда U-17 жаҳон чемпионати нимчорак финали ҳақида гапирди

Яқинда Ўзбекистон миллий терма жамоасига жалб этилган "Бунёдкор" клубининг италиялик таҳлилчиси Карло Альберто Бертоне Championat.asia сайтига интервью берди.

– Яқинда Ўзбекистон терма жамоаси штабига қўшилганингиз ҳақида хабар топдик. Сизни шахсан Фабио Каннаваро таклиф қилдими? Унинг штабидаги дастлабки таассуротларингиз қандай?

– Мен Фабио Каннаваро томонидан Дубайдаги турнир учун таклиф қилинганман. Мусобақа якунланганидан сўнг, ўзим ишлайдиган клуб – “Бунёдкор” ихтиёрига қайтаман. Жаноб Каннаваро профессионал мураббий ва у билан ишлаш имкониятига эга бўлганим катта шараф. Унинг штаби ҳам малакали мутахассислардан иборат ва мен Ўзбекистон миллий терма жамоаси ишончли қўлларда эканлигига ҳамда порлоқ истиқболга эга бўлишига тўла ишонч билдираман.

– Сизнинг ватанингиз ҳисобланган Италия жаҳон чемпионати саралаш босқичи доирасидаги охирги ўйинда Норвегияга йирик ҳисобда ютқазиб, тўғридан-тўғри йўлланмани қўлга киритиш имкониятини бой берди. Уларнинг имкониятини қандай баҳолайсиз? Нега Италия аввалги нуфузини йўқотмоқда?

– Италия эндиликда мундиалга чиқиш учун плей-офф босқичида иштирок этиши керак. Италиянинг жаҳон чемпионатига йўл олишига ишончим комил. Биз бунга ишонишимиз керак, чунки терма жамоа барча италияликларнинг қўллаб-қувватлашига муҳтож. Италия ўз обрўсини йўқотмаган деб ҳисоблайман; бизда ҳали ҳам дунёнинг энг яхшиларидан бири бўлган мураббийлик мактаби бор ва беш йил олдин Европа чемпионлигини қўлга киритганимизни унутмаслик лозим. Италияга қарши ўйнаш ҳар доим ҳар қандай рақиб учун қийин вазифа бўлиб келган.

– Хабарингиз бўлса керак, ўсмирлар ўртасидаги жаҳон чемпионати нимчорак финалида Италия ва Ўзбекистон бир-бирига рақиблик қилади? Жамоаларнинг имкониятларини қандай баҳолайсиз? Ушбу баҳсда Италияга мухлислик қиласизми?

– Шубҳасиз, мазкур жамоалар ўртасида ажойиб беллашув гувоҳига айланамиз. Ишончим комилки, навбатдаги босқичга йўл оладиган жамоа қаттиқ тер тўкишига тўғри келади. Табиийки, ўзим италиялик бўлганим учун Италияга мухлислик қиламан, бироқ Ўзбекистон ғалаба қозонса ҳам хурсанд бўламан, чунки бу мамлакат менинг иккинчи уйимга айланган. Бир йилдан буён Тошкентда истиқомат қиламан ва умид қиламанки, Илёс Зейтуллаев билан “Бунёдкор”даги фаолиятимни давом эттираман. У билан жуда яхши тил топишдик. Фикримча, Суперлига якунига икки тур қолган бўлса-да, чемпионатда юқори даражада иштирок этдик.


Оқил Абдубарноев суҳбатлашди.

Rating: +17   

Comments

championat.asia
< show latest news
Яндекс.Метрика