МЮни учинчи ўринга олиб чиққан Майкл Кэррик кечаги баҳсдан сўнг нималар деди?

"Жамоамизнинг характерини кўрсатганидан мамнунманми? Бу ўйиндан олган энг муҳим нарса шу бўлди деб ўйлайман. Биринчи марта танаффус олдидан ҳисобда ортда қолган вазиятга тушдик. Чунки ўйин бошида бироз ритмдан чиқиб қолдик, рақиб эса яхши ҳужумлар ташкил қилишди.

 Тахминан 20 дақиқадан кейин ўйин бизнинг фойдамизга ўтди, биринчи таймни анча ишончли якунладик. Танаффусда шундай вазиятларда қандай жавоб бериш, куч ва ўзига ишончни кўрсатиш ҳақида гаплашдик. Футбол баъзида қийин бўлади, бу лига ҳам осон эмас, ҳамма нарса хоҳлагандек бўлавермайди, лекин иккинчи таймда қайтиб келиб, ўйинни ўз фойдамизга буриб олишимиз мен учун энг муҳими", — деди МЮ устози.