Месси "Америка қироли" мукофотини қўлга кирита олмади. Уни "Фламенго" ярим ҳимоячиси ортда қолдирди

"Фламенго" клуби ва Уругвай миллий терма жамоаси ярим ҳимоячиси Жоржиан де Арраскаэта Уругвайнинг "El País" газетаси томонидан "Америка қироли" мукофотига лойиқ топилди.

Мазкур нуфузли мукофот Америка лигаларида йил давомида энг яхши натижа кўрсатган футболчига берилади. Овоз беришда 16 мамлакатдан 264 нафар журналист иштирок этди.

Де Арраскаэта сўровнома натижаларига кўра 62,8 фоиз овоз билан биринчи ўринни эгаллади. У "Интер Маями" ҳужумчиси Лионел Мессини (14,8%) ва "Расинг Авелянед" форварди Адриан Мартинесни (5%) ортда қолдирди.

Де Арраскаэта "Фламенго" сафида жорий мавсумда тўртта унвонни қўлга киритди - Бразилия чемпионати, Либертадорес кубоги, Бразилия Суперкубоги ва Рио-де-Жанейро штати чемпионати. Уругвайлик яримҳимоячи Либертадорес кубогининг энг яхши ўйинчиси деб топилди, шунингдек, Бразилия чемпионатида жамоанинг энг яхши тўп урувчиси ва гол узатувчиси бўлди.

Таъкидлаш жоизки, Месси бу мукофотни ҳали бирор марта ҳам олмаган. 2024 йилда уни ҳозирда "Зенит"да ўйнаётган Луис Энрике Андре қўлга киритган эди - ўша пайтда у "Ботафого"да тўп сурарди.

Де Арраскаэта "Фламенго" сафида жорий мавсумда тўртта унвонни қўлга киритди - Бразилия чемпионати, Либертадорес кубоги, Бразилия Суперкубоги ва Рио-де-Жанейро штати чемпионати. Уругвайлик яримҳимоячи Либертадорес кубогининг энг яхши ўйинчиси деб топилди, шунингдек, Бразилия чемпионатида жамоанинг энг яхши тўп урувчиси ва гол узатувчиси бўлди.