Мемфис Депай БАА клублари эътиборида
27 jan 10:40
News

Мемфис Депай БАА клублари эътиборида

“Коринтианс” ва Нидерландия терма жамоаси ҳужумчиси Мемфис Депай Дубайнинг “Шабаб Аль-Ахли” ҳамда “Аль-Васл” клублари қизиқиш доирасига тушди.

Манбага кўра, ҳар икки клуб футболчи бўйича расмий сўров юборган ва дастлабки таклифларини илгари сурган. Бироқ ҳозирча тақдим этилган молиявий шартлар Депайнинг кутган талабларига жавоб бермаяпти. Нидерландиялик ҳужумчи янада яхшироқ спорт ва молиявий шарт-шароитларни кутмоқда.

Аввалроқ Депай қишки трансфер ойнасида Бразилия клубини тарк этиш эҳтимолини кўриб чиқаётгани ҳақида хабарлар тарқалган эди. Шунингдек, у “Коринтианс” раҳбарияти фаолиятини танқид қилган.

Футболчининг клуб билан амалдаги шартномаси 2026 йил декабрь ойигача амал қилади.

Қайд этиш жоиз, Мемфис Депай Нидерландия терма жамоаси тарихидаги энг яхши тўпурар ҳисобланади. У миллий жамоа сафида ўтказган 108 учрашувда 55 бор рақиблар дарвозасини ишғол этган.

Link :

Source : Globo

Receive latest football news directly on your phone. Subscribe for our Telegram channel!

Rating: +2