Матиас Роса: "2021 йил Ўзбекистонга келганимда, шаҳарда кўзга кўринарли маскан йўқ эди, ҳозир эса аксинча"
18 sep 22:28
News

Матиас Роса: "2021 йил Ўзбекистонга келганимда, шаҳарда кўзга кўринарли маскан йўқ эди, ҳозир эса аксинча"

Футзал бўйича жаҳон чемпионати "C" гуруҳи 2-туридан ўрин олган Аргентина – Афғонистон (2:1) учрашувидан сўнг аргентиналиклар ҳужумчиси Матиас Роса микст-зонада сайтимизга интервью берди.

"Ростини айтсам, ўйинимиздан қониқмадим, лекин жуда муҳим ғалабага эришдик. Бугун пассив ўйнадик, бизга шиддат етишмади. Жисмоний жиҳатдан кўп югурдик, бироқ рақиб ҳам муносиб қаршилик кўрсатганини эътироф этиш жоиз.

Голларим билан жамоага ёрдам бера олганимдан хурсандман. Бугун Афғонистон жаҳон чемпионатидаги ҳар бир жамоа кучли эканлиги ва қийинчилик туғдира олиши мумкинлигини исботлади. Шу боис, узоққа қарамасдан, дуч келган ҳар бир рақибимизни ўрганиб, таҳлил қилишимиз керак.

Биз 2021 йил Ўзбекистонга келганмиз. Ўшанда шаҳарда деярли кўзга кўринарли маскан йўқ эди. Бугун эса пойтахт жуда чиройли кўриниш олибди. Амалга оширилган ишлар кўп, шу боис, шаҳар бизга анча қулайликлар яратди", деди учрашувда дубль қайд этган футзалчи.

Оқил Абдубарноев суҳбатлашди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +1