"Манчестер Сити" Германия терма жамоаси ҳимоячиси учун "Реал" билан курашиши мумкин

Германия терма жамоаси ва "Айнтрахт"нинг чап қанот ҳимоячиси Натаниэль Браунга "Манчестер Сити," "Арсенал" ва "Реал" қизиқиш билдирмоқда. Бу ҳақда Bild нашри хабар берди. Манба маълумотларига кўра, жорий мавсумда бир қатор ажойиб ўйинлар намойиш этгандан сўнг 22 ёшли футболчини "Милан" клуби билан ҳам боғлашмоқда.

Журналист Флориан Плеттенбергнинг Х ижтимоий тармоғидаги саҳифасида ёзилишича, "Айнтрахт" Брауннинг трансфери учун камида 60 миллион евро талаб қилишмоқда.

Жорий мавсумда ҳимоячи барча мусобақаларда 8 та ўйинда иштирок этиб, 1 та гол урди ва 2 та гол узатмасини амалга оширди. Футболчининг клуб билан амалдаги шартномаси 2030 йил ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 30 миллион еврони ташкил этади.