"Ливерпуль" футболчиси АПЛдаги рақобатчидан қизиқиш бўлганини тасдиқлади

Инсайдер Фабрицио Романо келтирган сўзларга кўра, Лондоннинг "Тоттенхэм" клуби унга аниқ қизиқиш билдирган ва январь ойида трансфер вариантларини кўриб чиққан. Бироқ клуб раҳбарияти билан вазиятни муҳокама қилганидан кейин шотландиялик футболчи "шпорлар" таклифини рад этиб, Мерсисайдда қолишга қарор қилган.

Робертсон "Ливерпуль" билан кучли ҳиссий боғлиқлиги борлигини таъкидлаб, клуб унинг учун уйга айланганини айтди.

"Бу клуб менга ҳаммасини берди, мен ҳам бу клуб учун боримни бердим. Мен ҳар доим бу жамоага содиқ бўлганман", – деди ҳимоячи.

Шунга қарамай, Робертсоннинг узоқ муддатли келажаги ҳақида саволлар сақланиб қолмоқда. У қарор қабул қилингач, фаолияти бўйича якуний қарорни эълон қилишини айтиб, оммавий ахборот воситаларини қизиқтириб қўйди.

Қайд этиш жоиз, шотландиялик ҳимоячи ушбу мавсум "Ливерпуль" сафида 27 ўйин ўтказиб, 2 та гол урди ва 2 та голли пас берди.