"Леганес" бош мураббийи: "Мессини бизнинг дарвозабон билан бирга-бир қўйиб беринг. У 10та имкониятдан 11та гол уради"

"Мен Мессини қандай тўхтатиб қолиш мумкинлигини билмайман. Менинг жамоам нари борса дуранг ўйнаши мумкин.

Унинг жарима зарбаси пенальтига ўхшаб кетади. Ёрдамчиларимдан бири Месси жарима зарбасини ижро этаётанида жонли девор қўймасликни айтди. Мен эса унга: "Эшит, Агар Мессини жарима зарбаси олдидан Пичу Куэльяра ("Леганес" дарвозабони) билан бирга-бир қўйсак ва унга 10та имконият берсак, 11та гол уради" дедим.

Биз уни зарба бера олмаслиги учун кўплаб имкониятларни таҳлил қилдик. Аммо, у ярамас доим футболчилардан қочиб кетади", - дейди Агирре.

Эслатиб ўтамиз, "Барселона" Ла Лига доирасида "Леганес" билан ўйин 23 ноябрь куни бўлиб ўтади.