Кутилмаганда ПСЖ Неймарнинг нархини туширди

Маълумотларга кўра, Париж клуби 27 ёшли футболчи кетиши учун ўзининг молиявий талабларини пасайтирди. Агар ПСЖ бунгача бразилиялик учун 300 млн. евро талаб қилган бўлса, ҳозир бу нарх деярли икки бараварга тушди ва Франция клуби футболчини 180 млн. еврога қўйиб юбормоқчи. Францияликлар келишувга бошқа футболчиларни қўшмоқчи эмас ва ушбу трансфердан фақат пул ишлаб олишмоқчи.

Неймарнинг келажакдаги клуби "Барселона" бўлиши мумкин. Форвард атрофидагилар футболчи Каталония клубига қайтишига ишонишмоқда.

Неймар 2017 йилнинг ёзида 222 млн. евро эвазига "Барселона"дан ПСЖга ўтган эди. Олдинроқ бразилияликка "Ювентус" ва "Реал" қизиқиш билдираётгани эълон қилинганди.