Latest news

07:37Бугун жорий мавсум Суперлига баҳсларига якун ясалади  0 03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  1 23:14Лига 1. "Монако" ўз уйида ПСЖни мағлуб этди  9 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1

Жозе Моуриньо: "Тўртинчи ўринга лойиқ салоҳиятга эга эмасмиз" News

Жозе Моуриньо: "Тўртинчи ўринга лойиқ салоҳиятга эга эмасмиз"

"Рома" бош мураббийи А Серия 35-тури доирасида "Болонья"га қарши дурангдан кейин саволларга жавоб берди.

"Мен бу ўйиндан фахрланаман. Чунки таркибимизда 15 ёшли болакай тушса ҳам, ёки аёллар жамоасидан футболчи тушса ҳам, биз барибир профессионаллик ва тактик принципларимизга содиқ қоламиз. Бу менга юксак фахр туйғусини ҳис қилишга мажбур қилади. 

Бу Свилар ва Миссори учун дебют эди, Тахирович ҳам унчалик кўп ўйин амалиётига эга эмас ва биз Тьяго Мотта қўл остида яхши шаклланган, курашувчан жамоага қарши тўп тепдик. Умумий олганда яхши ўйин ўтказдик. 

Энди "Рома" кучли тўртликдан олти очкога ортда қолмоқда, лекин Моуриньо бир неча бор таъкидлаганидек, параллель равишда ҳам А Серия, ҳам Европа Лигасидаги кураш жамоани тинкасини қуритмоқда. 

"Мухлислар мени эшитиши зарур. Биз бир неча ҳафта жадвалда иккинчи ёки учинчи ўриндалигимизда, мен доим айтгандим, жамоа ҳафтасига битта ўйин ўтказа олади. Ўйинлар сони ошгани сари, ҳар икки мусобақадаги йўлни муносиб босиб ўтиш учун имкониятларимиз етмай қолди. Биз ҳозирда тўртинчи ўринга лойиқ салоҳиятга эга эмасмиз.  

Ҳа, биз доим мусобақа танламасликка ҳаракат қиламиз. Бироқ икки ёки уч ойдан буён шу нарсани таъкидлашга мажбур бўляпман. 

Европа Лигасидаги ғалаба автоматик равишда келаси мавсум Чемпионлар Лигаси йўлланмасини беради, бу мақсадга етишимизга эса иккита ўйин қолди. 

"Ўтказаётган мавсумимиз — фантастик. Одамлар нима деса дер, танқид қилар, ютсак ёки мағлубиятга учрасак натижаларимизни таҳлил қилар, чемпионатни тўртинчи ёки еттинчи ўринда якунлармиз, бироқ мен учун имкониятларимиздан максимал равишда фойдаландик. Бу мен учун шунчаки фантастика. Бу турда ҳам навбатдаги қийин ўйинни ўтказдик. Дуранг менимча, мағлубиятдан яхшироқ натижа. Белоттининг вазиятида гол уриш учун қулай имкониятга эга бўлгандик, лекин бизга яққол пенальтини беришмади. Шундай экан, ҳаммаси яхшиликка". 


Энди Моуриньо жамоани Европа Лигаси ярим финалида "Байер"га қарши жавоб баҳсига тайёрлаши зарур. 

"Вейналдум сафга қайтди ва 60-65 дақиқа ўйнай оларди. Бироқ Челик жароҳат олгач, битта ўзгариш йўқотишни истамадим ва Жождиньони эртароқ алиштирдим. Челик пайшанба куни бизга ёрдам бера олиши сўроқ остида, Пауло Дибаланинг майдонга тушиши эса катта сўроқ остида қолмоқда". 

Охирги ҳафталарда Моуринью ўзининг собиқ шогирдлари билан мураббий сифатида рўбаро келди: Тьяго Мотта, Хаби Алонсо ва Деян Станкович. 

"Бу ўзгача туйғу. Демак, вақт тез ўтмоқда, улар ҳам, худди фарзандларим каби катта бўлишмоқда. Шунча йилдан кейин ҳам бу ерда қолиш учун кучим бор. Одамлар мен ва Анчелоттидан чарчаши, танқид қилиши мумкинлигини биламан, аммо биз доим шу ердамиз.

Нозима Тўхтамирзаева тайёрлади

Rating: +2   

Comments

championat.asia
< show latest news
Яндекс.Метрика