Флорентино Перес Арбелоага кутилмаган ўринбосар топди

Бош мураббий Альваро Арбелоанинг келажаги ҳали ноаниқ. Агар у кетадиган бўлса, клуб раҳбарияти муқобил режани ишга туширишга тайёр.

"Defensa Central" маълумотларига кўра, клуб президенти Флорентино Перес бош директор Хосе Анхель Санчес билан бирга турли вариантларни кўриб чиқмоқда. Агар Арбелоа қолмаса, "Реал" "немис йўли"ни танлаши мумкин. Хабарларга кўра, Юрген Клопп ҳам, Томас Тухель ҳам устувор номзодлар қаторида эмас.

Мадриддаги асосий мақсад сифатида Юлиан Нагельсманн кўрилмоқда. Немис мураббийининг миллий федерация билан амалдаги шартномаси 2028 йилгача амал қилади, аммо кўп нарса у бўлажак Жаҳон чемпионатидан кейин қандай режа тузаётганига боғлиқ. Клубда шундай фикр борки, агар мураббийнинг ўзи қизиқиш билдирса, Германия футбол ассоциацияси (DFB) музокараларга очиқ бўлиши мумкин.