Флик: "Бу икки гол Рэшфордга олдинга қадам ташлашга ёрдам беради"

Фликнинг айтишича, у Рэшфорднинг голларидан ажабланмаган, чунки у Каталония клуби машғулотларида ҳам худди шуни кўрсатади. Мутахассис ўз жамоасида шундай футболчи борлигидан хурсанд эканлигини таъкидлади.

"Маркус бизга кўпроқ ҳужум вариантларини тақдим этади. Бу икки гол ҳақиқатан ҳам унга олдинга қадам ташлашга ёрдам беради ва келажакка ишонч бағишлайди. Мен у учун жуда хурсандман", – дея қўшимча қилди Флик.

Эслатиб ўтамиз, "Барселона" Маркус Рэшфорднинг дубли эвазига меҳмонда "Ньюкасл"дан 2:1 ҳисобида устун келди. У шу ёзда "Манчестер Юнайтед"дан келиб қўшилган эди.