Фергюсон: "Роналду "Реал"да ўйнашни орзу қилган. Бу йилдан-йилга жаҳон даражасидаги футболчилар пайдо бўладиган ягона клуб"
27 sep 2021 09:01
News

Фергюсон: "Роналду "Реал"да ўйнашни орзу қилган. Бу йилдан-йилга жаҳон даражасидаги футболчилар пайдо бўладиган ягона клуб"

"Манчестер Юнайтед" собиқ бош мураббийи Алекс Фергюсон ҳужумчи Криштиану Роналдуни 2009 йилда "Реал"га қўйиб юбориш қарори ҳақида гапирди.

"Роналду "Реал"да ўйнашни орзу қилди. Бунга қарши бўлмадим. Мадейралик йигит бизга ҳали 18 ёшга кирмасиданоқ қўшилган ва ажойиб олти йилни ўтказган эди.

Бу давр биз учун ажойиб ўтди ва менда уни алмаштириш имконияти бўлди. Биз Антонио Валенсияни олдик, у ажойиб эди, шундай экан бу борада омадимиз келди.

Мен Криштиану шунчалик яхши бўлишини билардим. Сўзсиз буни тушунган эдим. "Реал" йилдан-йилга жаҳон даражасидаги ўйинчилар пайдо бўладиган ягона клуб. Бу жамоа мунтазам равишда Чемпионлар Лигасини ютган, 13 бор ёки шу атрофда.

Биз уларга ҳурмат кўрсатишимиз керак - бу ҳар қандай футболчи ўтишни орзу қиладиган клуб", - дейди Фергюсон.