Бундеслига иккинчи давраси томошабинларсиз бошланади — расмий қарор
22 dec 2021 11:40
News

Бундеслига иккинчи давраси томошабинларсиз бошланади — расмий қарор

Tags : мухлислар "Боруссия Дортмунд""Бавария"коронавирус

Германиялик мухлислар коронавируснинг янги штамми тарқалиши сабабли 2022 йил бошида стадионларга бора олишмайди.

28 декабрдан бошлаб Германиядаги спорт мусобақаларига томошабинлар киритилмайди. Тегишли қарор ҳукумат йиғилишида қабул қилинди, деб хабар берди Kicker.

COVID-19 нинг янги штамми бўлган омикроннинг тарқалиши сиёсатчиларни катта молиявий йўқотишларга олиб келадиган чораларни кўришга ундади. Жумладан, элит дивизиондаги ҳар бир клуб мухлислар йўқлиги туфайли ҳар учрашувда ўртача икки миллион евро йўқотади. “Бавария” ва “Боруссия Д”нинг йўқотишлари ундан ҳам каттароқ бўлади.

Аввалига йиғилишда стадионларга чекланган миқдордаги мухлисларни киритиш варианти кўриб чиқилди, аммо кейинроқ бу қарор қабул қилинмади.

Бундеслига биринчи даврасидан сўнг "Бавария" Дортмунднинг "Боруссия"сидан 9 очкога ўзиб кетган ҳолда мусобақа жадвалида ишончли тарзда пешқадамлик қилмоқда.

Link :

Source : Kicker

Receive latest football news directly on your phone. Subscribe for our Telegram channel!

Rating: