Беллингем тикланишни тезлатиш учун Лондонга кетди

Бу ҳақда "beIN SPORTS" хабар берди.

Манбага кўра, инглиз хавбеки жароҳатдан тикланиш жараёни чўзилиб кетганини англамоқда. Шу сабабли у иккинчи тиббий хулосани олиш учун Буюк Британияга йўл олган. Сафарда футболчига Мадрид клуби тиббий хизмати раҳбари Нико Михич ҳамроҳлик қилмоқда.

Хабар қилинишича, Беллингем ҳозирги даволаш кутилган натижани бермаётганидан хавотирда. Майдонга қайтиш кечикиши мавсумнинг ҳал қилувчи ўйинларида қатнашишига таъсир қилиши мумкин.

Беллингем жорий мавсум "Реал" сафида 27 ўйин ўтказиб, 6 та гол урди ва 4 та голли пас узатди. У охирги марта 1 февраль куни "Райо Вальекано"га қарши баҳсда майдонга тушган, ўша ўйинда жароҳат олиб, 10-дақиқада алмаштирилган. Шундан кейин ярим ҳимоячи тахминан 2 ойга сафдан чиққан эди.