“Барселона” Депай трансферига Умтитини қўшиши мумкин

Журналист Жанлука ди Марцио хабарига кўра, “Барселона” “Лион” ҳужумчиси Мемфис Депайни қўлга киритиш учун ҳимоячи Самюэль Умтитини француз клубига беришга тайёр. Таъкидланишича, Депайнинг “Лион” билан бир йиллик шартномаси қолган. Шунинг учун каталонияликлар Умтити ва 20-25 млн евро атрофидаги маблағни тўлаган ҳолда Депайни бемалол ўз сафига қўшиб олиши мумкинлиги қайд этилган.

Аввалроқ 26 ёшли Мемфисга “Рома”дан ҳам қизиқиш борлиги айтилганди.

Маълумот учун, Умтити вақтида “Лион”дан “Барселона” сафига ўтганди.