"Барселона" "Боруссия" футболчиси билан музокараларни бошлади
15 jun 2019 16:15
News

"Барселона" "Боруссия" футболчиси билан музокараларни бошлади

"Боруссия" Дортмунд ҳимоячиси Рафаэл Геррейру фаолиятини "Барселона"да давом эттириши мумкин.

"Кўк-анорранглилар" 25 ёшли футболчи билан алоқага чиқишган ва трансферлар бўйича музокараларни бошлаб юборишган. Олдинроқ португалиялик футболчи "Боруссия" билан шартнома имзолашдан бош тортган эди. Шу сабабдан, каталонияликлар футболчининг нархини тушириш ниятидалар. Геррейрунинг ҳозирги нархи 25 миллион еврони ташкил этади.

Геррейру якунланган мавсумда 32та ўйинда майдонга тушган. Футболчининг ҳисобида 6та гол ва 6та ассист бор. Португалиялик "Боруссия" таркибига 2016 йилда "Лорьян"дан 12 миллион евро эвазига ўтган. Ундан олдин эса "Кан" шарафини ҳимоя қилган.

Link :

Source : Sport.es

Receive latest football news directly on your phone. Subscribe for our Telegram channel!

Rating: +1