"Аякс" "Барселона"дан 55 млн евро талаб қилмоқда

"Барселона"нинг янги бош мураббийи Роналд Куман "Аякс" хавбеки Донни ван де Бек орқали жамоани кучайтирмоқчи. "Diario Sport" хабарига кўра, унинг трансфер суммаси клубга муаммо бўлмоқда.

Нидерландия клуби 23 ёшли футболчининг трансферидан камида 55 млн евро ишлаб олмоқчи. Бироқ Каталония клуби уни асосий трансфер мақсади қилиб олмаган ва уларда бошқа вариантлар ҳам бор.

Ван де Бек ўтган мавсумда мамлакат чемпионатида 23 ўйинда қатнашиб, 8 гол ва 6 ассист қайд этди.