"Аяччо" банкротлик жараёнини бошлади
21 aug 17:19
News

"Аяччо" банкротлик жараёнини бошлади

"Аяччо" футбол клуби 18 август куни Аяччо тижорат судига ариза топшириб, банкротлик жараёнига киришди. Бу ҳақда "Le Parisien" хабар тарқатди.

Бу 180 га яқин ходимнинг ишдан бўшатилиши ва май ойида Лига 2нинг энг яхшиларидан бири деб топилган клубнинг машғулот маркази ёпилишини англатади.

Аввалроқ Франция футбол федерацияси (FFF) Футбол клубларини назорат қилиш ва бошқариш миллий дирекцияси (DNCG) қарори билан жиддий молиявий муаммолар туфайли "Аяччо"ни янги мавсумда миллий мусобақаларда иштирок этишдан четлаштирганди. Клубнинг қарзи камида 13 миллион еврога баҳоланмоқда.

"Аяччо" ўтган мавсум Лига 2да 12-ўринни эгаллади. 1910 йилда ташкил этилган клуб бой тарихга эга ва икки марта Франция иккинчи дивизиони чемпионига айланган.

Link :

Source : Le Parisien

Receive latest football news directly on your phone. Subscribe for our Telegram channel!

Rating: