Африкадан яна икки терма жамоа Жаҳон чемпионати йўлланмасини қўлга киритди

Африка қитъасидаги саралаш босқичи ўйинлари якунига етди. Бугунги беллашувлар орқали икки жамоа — Сенегал ҳамда Кот-д’Ивуар 2026 йилги Жаҳон чемпионатига йўлланмани қўлга киритишди.

Сенегал жамоаси бугунги учрашувда Мавританияни 4:0 ҳисобида мағлубиятга учратиб, ўз гуруҳида пешқадамликни сақлаб қолди ва навбатдаги жаҳон чемпионатига йўл олди.

Кот-д’Ивуар терма жамоаси эса Кения устидан 3:0 ҳисобида ишончли ғалаба қозонди. Бу натижа уларни гуруҳда биринчи ўринга олиб чиқди ва 2014 йилдан кейин илк бор Жаҳон чемпионатида иштирок этиш имконини берди.