Абдуқаххор Хожиакбаров: “Нефтчи”га мослашиш мен кутгандан ҳам осон кечмоқда”

Аутсайдерлар қаторини тарк этиш мақсадида бош мураббий жамоа таркибини сезиларли даражада кучайтирмоқда. Бир қанча ўртоқлик учрашувлари ташкил этилмокда. Бу ўйинларда Абдуқаххор Хожиакбаров ҳам ўзини кўрсатишга ҳаракат қилмоқда. «Локомотив»га қарши учрашувдан сўнг футболчи билан боғланиб суҳбат уюштирдик.

- Салом Абдуқаххор. «Нефтчи» жамоасига сизни ким таклиф этди?
- Жамоа мураббийи Амет Мемет менга таклиф билан чиқди. Мен эса йўқ дея олмадим. Таклифни қабул қилдим.

- «Нефтчи»дан ташқари бошқа клублардан ҳам таклиф бўлгандир?
- Ҳа таклифлар бўлди. Олий лигамизниг уч клубидан таклиф булди. Буларнинг ичида «Нефтчи» варианти қизиқроқ туюлди.

- «Нефтчи» билан бир қанча ўртоқлик ўйинларида майдонга тушиб келяпсиз. Жамоага мослашиш қандай кечяпти?
- Жамоага мослашиш мен кутгандан ҳам осон кечмоқда. Жамоадаги ички муҳит жуда аъло даражада.

- «Нефтчи» билан шартнома имзоладингизми?
- Шу кунларда жамоа билан расман шартнома имзолайман.

- Сиз билан бирга жамоага яна бир қанча ўйинчилар таклиф этилди. Улар хақида нима дея оласиз?
- Жамоага янги қўшилганлар ўзларини ҳар томонлама яхши кўрсатишга ҳаракат қилишяпти. Барча ўйинчилар машғулотларда жон бериб тер тўкишяпти.

- «Нефтчи»ни мақсади жиддий кўринади. Тўғрими?
- Ҳа албатта. Иккинчи даврада жамоа юқори ўринлар учун курашади.

- Нима учун айнан «Нефтчи» вариантини танладингиз?
- Бу ерда аввал бирга ишлаган мураббийим Амет Мемет борлиги учун ва жамоа ўз олдига юксак мақсадларни қўйгани учун ҳам «Нефтчи»га ўтишга қарор қилдим.

- Жамоадаги рақобатдан чўчимаяпсизми?
- Йўқ. Рақобат бор жойда ўсиш бўлади. Мен ҳеч қачон рақобатдан қўрқмайман.

- Мазмунли суҳбатингиз учун раҳмат.
- Сизга ҳам раҳмат.

Комилжон Икромов