А Сериянинг энг кўп ойлик олувчи футболчиси "Бавария"га текинга ўтиши мумкин

Инсайдер Фабрицио Романонинг сўзларига кўра, мюнхенликлар клуби футболчининг ҳолатини диққат билан кузатиб бормоқда ва 2026 йилнинг ёзида текин трансфер имкониятини ўрганмоқда.

Душан Влаҳовичнинг "Ювентус" билан шартномаси жорий мавсум охирида якунига этади. ФИФА қоидаларига кўра, футболчи амалдаги шартномаси тугашига (2026 йил январ) олти ой қолганда ёзда исталган клуб билан текин трансфер бўйича музокаралар олиб бориш ҳуқуқига эга.

Манбага кўра, Влаҳович ва "Ювентус" ўртасидаги янги шартнома бўйича ҳеч қандай келишувга эришилмаган. Трансфермаркт маълумотларига кўра, серб Италия А сериясининг энг кўп маош олувчи футболчиси бўлиб, унинг маоши 22,2 миллион еврони ташкил қилади.