3:0 дан кейин хотиржамликка ўрин йўқ! Арбелоа "Ман Сити"га қарши жавоб ўйинидан нима кутмоқда?

Эслатиб ўтамиз, ушбу қарама-қаршиликнинг Мадриддаги дастлабки ўйинида "қироллик клуби" 3:0 ҳисобида ишончли ғалабани қўлга киритган эди.

"Камтарлик ва амбиция — бизга керак бўлгани шу"

Арбелоанинг таъкидлашича, йирик ҳисобдаги устунлик жамоани хотиржам қилмаслиги керак:

"Биринчи ўйиндаги каби майдонга чиқиб, фақат ғалаба учун ўйнашимиз шарт. Ўтган сафаргидек ёки ундан ҳам кучлироқ фидойилик билан ҳаракат қилишимиз лозим. Бу жуда мураккаб стадион ва у ердаги мухлислар ўз жамоасини бор кучи билан олдинга бошлайди. Эртага майдонда биз кўришимиз керак бўлган асосий нарса — бу камтарлик ва амбиция".

"Уларга яна ҳақиқий муаммо туғдиришимиз керак"

Испаниялик мутахассис жамоанинг асосий мақсадини қуйидагича изоҳлади:

"Ўйлайманки, эртанги баҳс қанчалик оғир ўтишини барчамиз яхши англаб турибмиз ва ҳозир бошқа нарса ҳақида ўйлашга ҳаққимиз йўқ. Биз биринчи ўйиндагидек ёки ундан ҳам юқорироқ савияда ўйин кўрсатишимиз талаб этилади. Мақсадимиз аниқ: худди дастлабки учрашувдаги каби рақибга ҳақиқий муаммо туғдириш учун майдонда бирдамлик ва тинимсиз меҳнатни намойиш этишимиз керак", — деди Арбелоа.