Зоир Жўрабоев: "Қатардек кучли терма жамоага ҳакамларнинг ёрдами керак эмас"

- Қатарга қарши ўйин ҳақида гапирсангиз?

- Ўйинни назорат қилаётган пайтимиз, энг кераксиз ҳолатда гол ўтказдик. Шундан сўнг, бизда имкониятлар бўлди, аммо гол ура олмадик. Биринчи таймдаёқ ҳакам бизга қарши эканини сезгандик. Жуда кўп баҳсли ҳолатларда ҳакам Қатар фойдасига қарор чиқарди. Қатар каби кучли терма жамоага ҳакамларнинг ёрдами керак эмас деб ўйлайман. Балки, ҳакам бироз босим ҳис қилгандир. 

- Гол бўлган вазият ҳақида фикрингиз қандай?

- Ўша вазиятда қатарлик икки футболчи жамоадошимни итариб юборди, ҳакам эса йўлни тўсиб қўйди. Ўйин эса давом эттирилди. Гол ВАР орқали текширилмади. Ҳакам ўша вазиятни кўрмай қолган тақдирда ҳам ВАР вазиятга аралиб, голни бекор қилиши мумкин эди. 

- Амалдаги чемпионга қарши муносиб ўйин кўрсатдингиз. Бу нарса Ливанга қарши ўйинда қанчалик жамоага ишонч беради? Агарда ғалаба қозонсангиз, гуруҳдан чиқиш учун жуда яхши имконият пайдо бўлади...

- Ливанга қарши ўйиндаги ғалаба тарихий натижа бўлиши мумкин. Биринчи иштирокнинг ўзида плей-офф босқичига чиқиш бу албатта зўр натижа. Учинчи ўйинга бор кучимиз билан тайёргарлик кўрамиз.

- Тожикистон ҳали Осиё кубогида гол киритмади. Учинчи ўйинда киритиладиган эҳтимолий гол жамоани плей-офф босқичига олиб чиқиши мумкин...

- Ҳа, учинчи ўйинда жуда кўп воқеалар содир бўлиши мумкин. 

- Ўзбекистон терма жамоаси ўйинларини кузатиб боряпсизми? 

- Ҳа, Сурия билан ўйинни кўрдим. Рақиб тўлиқ ҳимояланди. Ўзбекистон кўп ҳужум қилди, иккинчи бўлимда гол уришга етарли вазият бўлди. Бундан ташқари, жамоанинг муҳим футболчилари ҳозирда жароҳатда. Шомуродов ва терманинг икки асосий ҳимоячиси сафда эмас.

Жалолхон Иноғомхўжаев суҳбатлашди