Златан Ибрагимович: "Фахр билан Францияда Швеция шарафини ҳимоя қиламан"

- Европа чемпионатидек йирик турнирда терма жамоа сардори бўлиш бу катта масъулият. Францияда узоқ вақт юқори даражада фаолият юритдим ва энди бу ерда ўз терма жамоам шарафини фахр билан ҳимоя қиламан. Швеция терма жамоасига Европа чемпионатида имкон қадар узоқроқ боришига қўлимдан келган ёрдамни аямайман. Швеция таркибида ўйнаш бу катта фахр ва бу вақтда мен ўз яқинларимни ўйлайман. Ҳар доим ўз ишимни юқори даражада амалга оширишга интиламан. Умид қиламанки, ёш ўсиб келаётган авлод мендан ҳам юқорироқ натижаларга эришади. Майдонда мен боримни бериб ҳаракат қиламан, бутун энергиямни сарфлаб, жамоадошларимга нима истаётганимни етказиб беришга уринаман.