"Ювентус"нинг трансфер бозоридаги дастлабки уч хариди аниқ
21 май 2018 20:06
Янгиликлар

"Ювентус"нинг трансфер бозоридаги дастлабки уч хариди аниқ

Италиянинг кетма-кет 7 бор чемпиони "Ювентус" трансфер ойнасидаги дастлабки харидларини италиялик футболчилар билан бошламоқчи.

Бу ҳақда "Sportmediaset" нашри хабар бермоқда.

"Ювентус" Жанлуижи Буффоннинг ўрнини тўлдириш мақсадида "Женоа"дан дарвозабон Маттиа Перинни, шунингдек "Аталанта"дан Кристанте ҳамда "Милан" ярим ҳимоячиси Жакомо Бонавентурани олмоқчи.

Маттиа Перин борасида клублар учрашув белгилашган ва тез орада бу трансфер масаласи ҳал этилади. "Аталанта" ярим ҳимоячиси Кристантени қўлга киритишда эса "Ювентус"га "Лацио" рақобатчилик қилади.

"Милан" аъзоси Бонавентурани сотиб олиш эса "Юве"га осон бўлмайди. Чунки "Милан" Бонавентурани сотмоқчи эмас. Аммо "Милан" "Ювентус" ҳужумчиси Марио Манжукичнинг хизматларига қизиқиб қолгани ушбу масалага ечим бўлиши мумкин. Аллегри эса Манжукични "Ювентус"дан кетишига қарши эмас.