UZ

Сўнгги янгиликлар

15:45Садио Мане: "Мен ҳеч қачон PlayStation ўйнамаганман"  2 15:35МЮ шу ҳафтада муҳим янгиликни эълон қилиши мумкин  3 15:24Мега трансфер амалга ошади. Мбаппе "Реал"га ўтишга тайёр  18 15:04"Тоттенхэм" ҳам "Аякс" футболчиси учун курашга қўшилди  0 14:59“Раш-Милк” бош мураббийсиз қолди  3 14:45Украинага 2та техник мағлубият ёзилиши мумкин  5 14:22Урганчда ўтган “Наврўз-2019” мусобақаси ёшларга қувонч улашди  0 14:16"Арсенал" МЮ футболчиси билан шартнома тузмоқчи  3 14:00Дунёнинг энг мафтункор 10 нафар футболчи қизлари  12 13:37Дембеле машғулот майдонини тарк этмаяпти  11 13:23Карикатура: Германия Голландияга камбэк қилиш имконини бермади  0 13:14Марадона: "Месси танқидларга эътибор қаратмаслиги керак"  10 13:10Суперлига. "Қизилқум" - АГМК. Превью  0 13:00Бугунги кундаги энг кучли италиялик футболчи ҳақида  7 12:57Превью. “Локомотив” – “Навбаҳор”  14

Юксалиш йўлидаги "Пахтакор" Янгиликлар

Юксалиш йўлидаги "Пахтакор"

"Пахтакор"нинг ОЧЛдаги юриши муваффақиятли давом этмоқда.

"Пахтакор" - "Ал Аҳли" учрашуви олдидан кўпчиликда ҳавотир бор эди. "Пахтакор" халқаро майдонда Эрон, БАА ёки Қатар клублари билан нисбатан анча муваффақиятли ўйнайди. Лекин Саудия Арабистони жамоаларига қарши баҳсларда тарози палласи рақиблар томон оғирлик қилаётганди. Бу статистикада ҳам яққол намоён бўлаётгани учун ҳам кўпчиликда "Ал Аҳли"дан чўчиш ҳисси сезилиб турганди. Лекин янги мавсумдаги "Пахтакор" нафақат БАА ёки Эрон жамоалари билан яхши ўйнайдиган, балки исталган рақибга қарши ўз ўйинини ўтказадиган жамоага айланганини кечаги баҳс қайсидир маънода яна бир бор кўрсатди.

Пахтакор

Марат Бикмаев - 62'

Лига чемпионов АФК. Группа D . 2-тур

12/03/2019, 18:00

0
:
1
Тугади

Аль-Ахли(С.А)

45'
90'
62'  Марат Бикмаев
80'  Dostonbek Khamdamov (Javokhir Sidikov)
88'  Марат Бикмаев (Игорь Сергеев)
90'  Садриддин Абдулаев (Марко Шимич)
65'  Mohanad Asiri (Djaniny)
77'  Salman Al Moasher (Abdulrahman Ghareeb)
89'  Hussain Al Mogahwi (Omar Al-Zeni)

Очиғи, баҳс олдидан "Пахтакор"нинг ғалабасига шубҳа қилмагандим. Аммо атрофдагилар бу тўқнашувда "Ал Аҳли"нинг имкониятларини нисбатан баландроқ баҳолашаётганди. Ҳали таъкидлаганимдек, ҳозирги "Пахтакор" ўз ўйин услубини тўлиқ таниб, кимга қарши бўлмасин ўз фалсафасидан воз кечмаган ҳолда ўйнайдиган даражага чиқмоқда. Яъни, жамоа Арвеладзе қўл остида ўсиш, ўз ўйинини шакллантириш жараёнини давом эттирмоқда.

Кечаги "Ал Аҳли" осон ёки БАА жамоаларидек ОЧЛда катта эътибор қаратмаган ҳолда номига ўйнайдиган рақиб эмасди. Шу боисдан ҳам "Пахтакор" кечаги баҳсда ниҳоятда эҳтиёткорлик билан тартибли ўйнаши талаб этиларди. Чунки рақиб сафида кичик имкониятдан наф чиқара оладиган ижрочи, ҳужумдаги асосий "қурол" - Омар Сома каби жарима майдончаси ичидаги яримтагина хатони ҳам кечирмайдиган "ўқотар" бор эди. "Пахтакор" аввало шу ишни яхши уддалади. Кечаги учрашувда нафақат ўйин тўлиқ назорат қилинди, балки мудофаа чизиғида рақибга минимум имконият ҳам тақдим этилмади. Ўйин ташкил этиш, тўпни назорат қилиш, ҳимоядан чиқишда гарчи рақибнинг юқори босими остида қолишига қарамасдан тартибли ўйнаш, пас орқали мудофаадан ҳужумга ўтиш ишлари режадагидек кечди. Шошилиш йўқ, пала-партишлик йўқ.

Қисқа қилиб айтганда, жамоа гарчи ҳисобда олдинда бораётган пайтда натижадан келиб чиқиб вақтни ўлдириш учун таваккал футболдан кўра, мураббий  чизгисидаги ўйинни намойиш этмоқда. Бу борада Арвеладзе футболчиларга етарлича иммунитет бераётгани жамоанинг умумий ўйин кайфиятида яққол сезилмоқда. "Пахтакор"нинг нафақат ўйин услуби ёки фалсафаси, балки футбол маданияти ҳам ўзгарди. Ҳар бир кичик детал муҳим аҳамият касб этишини тушунган "Пахтакор" барча жиҳатларни жамлаган ҳолда умумий шаклланмоқда. Кечаги ғалабанинг асосий омили сифатида мазкур жараённи жуда силлиқ ўтказаётган жамоанинг интизомини айтиш мумкин.



Тўғри, ҳали жамоа идеал ўйиндан анча йироқ. Биринчидан, мавсум энди бошланмоқда. Табиийки жамоа ўйиндан-ўйинга кучайиб боради. Иккинчидан, ҳали мавсумни буткул бошлаб олмаган жамоа учун ўйин қиймати ошса ошмоқдаки, осонроқ учрашувга навбат келмаяпти. Ротация ёки бошқа ўйин режаларини синовдан ўтказиш учун Арвеладзеда фурсат бўлмаяпти. Жамоа ҳозиргача ўтказган 4та ўйин ҳам ОЧЛ доирасида ва аҳамияти жиҳатидан бир-биридан юқори ўринда бўлди. Кейинги ўйин ниҳоят ички чемпионат доирасида. Лекин қандай рақиб билан? Кўряпмизки, "Пахтакор" мавсум стартида бўшашига ҳаққи йўқ эди ва ҳозирча бўшашгани ҳам йўқ.

Бир нарсани қайд этиш керак, жамоа ўтган йили ҳам ўйин ташкиллаштириш, сифатли футбол ва барқарор ўйин борасида катта муаммоларга деч келмаганди. Фақатгина натижа борасида оқсаш кузатилгани, у ҳам бўлса "олтин очколар" таъсири эвазига бузилиб кетган турнир жадвали ва ўйин ритми жамоанинг кайфиятига путур етказганди. Янги мавсумда тобора ўз услубини яқинроқ таниб, шаклланиб келаётган ўйини орқали энди натижага ҳам эришаётгани фонида кўпчиликда "Пахтакор" гуёки энди кучайиб қолгандек таассурот қолдирмоқда. Аслида бу жараён анча аввал бошланган. Шунчаки максимум натижага эришилмагани учун кўпчиликда айнан натижа эътибори билан баҳолаш мезонида хатоликлар кузатилганди. Биргина фарқ, натижа келмоқда. Ўйин сифатида ўсиш бўлаётгани ҳақиқат. Аммо ўтган йилги жамоанинг ўйини ҳам ёмон чиқмаётганди.


"Пахтакор"нинг ўйини, натижалари ўз йўлига. Аммо мазкур суратдаги ажойиб фоннинг таъми ўзгача. Томошабинларнинг жонли фонида футбол ўйини янада гўзал ва завқли кўринади, ширин туюлади. Мухлисларни стадионга чорлаш учун қўшиқчилар келиши ҳақидаги анонс ёки чиптани текин қилишга ҳожат йўқ. Ҳамма ишни тўғри йўлга қўйиш етарли. Чиройли ўйин орқали келадиган натижа ишқибозларнинг стадионга табиий равишда чорлайдиган ҳақиқий "магнит". Муҳитга гап йўқ. Бундай муҳитни фақатгина жамоа ютаётганда вужудга келтириш эмас, балки қийин вазиятларда ҳам айнан шундай "қайноқ" муҳит орқали қўмакчи бўлишни ўргансак, мухлислик маданияти борасида ҳам юксаламиз, назаримда



Аслини олганда, Арвеладзе 2017 йилги мавсум ўртасига келиб жамоани турнир жадвалининг ўрта қаторидан совриндорлар қаторига қўшди. Дастлабки тўлақонли мавсумида эса "Пахтакор" ОЧЛ саралашида муваффақиятсиз ўйнаган бўлса, кубок финалига қадар борди ва чемпионатда иккинчи бўлди. Аввалги ярим мавсумига нисбатан натижа барибир яхшиланди. Бу йили эса дастлабки қадам анча катта босилди ҳозирча. Яъни, Арвеладзе қўл остида жамоа ҳар томонлама ривожланиб, ўсиб, янги даражага чиқиб бормоқда.

Бу шунчаки дастлабки тўртта ўйиндаги яхши натижалар таъсиридаги эйфория эмас. Шунчаки яққол вужудга келган фактларни қоғозга тушириш, қилинган ишлар таҳлили. Якуний баҳони чиқаришга ҳали анча эрта, тўғри. Аммо жараёнда бўлаётган воқеаларни санаб ўтиш ва эслатиш фойдадан ҳоли бўлмайди.

Марра борган сари каттариб, нишон кўпаяверади. Муҳими, Арвеладзе қўл остида жамоа нафақат майдон ёки унинг ташқарисида футболга бўлган ёндошувни ўзгартирмоқда ва ўйин ташкиллаштиришни йўлга қўймоқда, балки белгиланган вазифа ва мақсад сари ҳам тўғри йўлдан бориш, уларга босқичма-босқич эришиш маданиятини ҳам ўрганмоқда.

"Пахтакор"да ўйин ва клуб сифатида ривожланиш тизими ишга тушгани ва ишлаётгани кишини қувонтиради. Бу бир клуб манфаати эмас, балки ўзбек футболи ривожига бевосита фойда берадиган жиҳат.


Марат Бикмаев - "Пахтакор"га қайтганидан кейин барча тўрттала ўйинда гол уриб келмоқда. Кечаги голи ортиқча таърифга муҳтож эмас. Ўтган йили айнан муҳим баҳсларда "нишон"ни "ўққа" тутадиган футболчига эҳтиёж сезган "Пахтакор" учун мазкур трансфер айни муддаога айланди


Яқин-яқингача илк профессионал клуб сифатида шаклланган  "Бунёдкор"ни ўрнак сифатида айтиб юргандик. "Насаф"ни анча йиллар аввал қўйилган мустаҳкам пойдевори учун ҳозиргача жуда кўп жабҳаларда намуна қиламиз. Яқин келажакда эса "Пахтакор" кўплаб жамоалар учун ўрнак ва намуна бўлиш даражасига чиқмоқда. Клуб юксалиш йўлидан жадал тезликда кетмоқда.

Футбол маданияти, тартибли ўйин, ташкилий масалалар, профессионал трансфер кампанияси ва юқори даражадаги машғулотлар дастурини ўзбек футболига тадбиқ қилаётган Арвеладзе "Пахтакор"да мустаҳкам пойдевор қурмоқда.


ОЧЛ-2019. "D" гуруҳидаги ҳолат

Аль-Садд

Baghdad Bounedjah - 90'

Лига чемпионов АФК. Группа D . 2-тур

12/03/2019, 20:45

0
:
1
Тугади

Персеполис

45'
90'
57'  Хамид Исмаэль Халеефа (Boualem Khoukhi)
70'  Woo-Young Jung (Ali Assadalla)
90'  Baghdad Bounedjah
83'  Марио Будимир (Siamak Nemati)
90'  Bashar Resan (Soroush Rafiei)
90'  Mehdi Torabi (Ehsan Hosseini)

ОЧЛда осон бўлмаган "квартет"дан жой олган ва ҳозирча пешқадам сифатида ўз "кўчаси"да етакчига айланган "Пахтакор"га иштаҳа овқат пайтида келиши керак. Муҳими, терма жамоалар ўйини туфайли юзага келадиган ФИФА кунларида жамоа мавжуд ўйин ритмини йўқотиб қўймаса, ОЧЛдаги вазифаларнинг иккинчи қисми ҳам яхши уддаланишига ишонч катта. Ўтган йили кузда айнан ФИФА кунлари туфайли юзага келган танаффус "Пахтакор"ни беқарорлаштириб қўйганди. Шота Арвеладзе эса буни яхши эслайди ва бундан керакли хулосаларни чиқарган ҳолда ишга тўғри ёндошади, деган умиддамиз. Ҳар ҳолда ОЧЛдаги муваффақиятли иштирокдан бутун ўзбек футболи манфаатдор.

Муаллиф : Shahboz Beg'amov
Рейтинг: +37   

Фикрлар

+14   
13 мар 15:16:31
DEL PIERO 10
Қандай гўзал бу жадвали бир қара.
+10   
13 мар 15:38:49
Lyuk_Shaw_23
Жалолиддин best of the best !!! Узбек клубларига уйинни узига олиш масьулиятидан кочмайдиган футболчи керак еди... мана кутиб олинг - Жалолиддин Машарипов!!! Химоядеги харакатларини хам, хужумдеги харакатларини хам куриб койил коляпман... харакатларида нозиклик, жозиба ва енг мухими аниклик бор!!! Олдида ким турганини ахамияти йук, худди "сан кимсан"? Танишиб ол, Ман Жалолман дегандек иккиланмасдан ухлатиб утиб кетяпти... хато килса шу секундда прессингни бошлаяпти... кискаси тарифига тил ожиз ))) Жалол хозирги вактда Узбек футболчилари орасида енг зури!!!!
+9   
13 мар 15:30:53
superliga=0
Pahtakor Bezerrani saqlab qolganda. Umuman boshqacha bo'lardi. Yoki puli bo'lsa Shomurodovni olib kelsin. Shomurodov baribir zahirada o'tiribdi.
+9   
13 мар 15:17:56
DEL PIERO 10
Бу галабада стадионга йегилган 25000 минг мухлисларни хиссаси жудаям катта.
+4   
13 мар 17:19:00
Rõyobbek_Karimov_Loko
17чи профил фойдаланувчининг фикрига жавоб бериш
Локо анча кучсизланган хозирги локо утган йилги локо эмас таркибдаги бир нечта етакчилар кетиб булди,халиям катардаги уйинда майдон текислиги учунми кутганимдан яхширок уйнашди узимча ал раян катта счетда ютади деб уйлагандим,манимча хозирги локо бн уртамиена жамоаларимизам бирга бир ташлаша олди деб уйлайман
Oka xafa bumelayu loko kuchayadimi kuchsizlanadimi sila barbr muxlislik qimislaku nega obsujdat qilasla shunisini tushunish qiyin loko bosib o'ynadi endi bir yil dam olilik keyin yana bosib ishlanadi lekin korasiz lokoni shu tarkibidanam terma jamoada paxtakordan kam bumidi usha xamma maxtavotgan bikmaevla agar loko bumaganda davno butsasini mixga ilgan bolardi qozogistondan qaytganida jaroxati narmalni edi loko tavakkal qilib davolatdi mana mevasini xamma maxtavotti marat uyiga qaytdi loko kak odamlani nazarida yomonga chiqdi man bitta marati gaprdim uzbda brakka chiqib qogan koplab futbolchilani qayta tiklab odam qilgan va sborniga qaytargan loko uzi kuchsizlanishi mumkin lekin kuchsiz futbolchini kuchli qilib beminnat qoyib yuborad
+4   
13 мар 15:32:19
Vatan un jon fido
Bunaqa yangilila oshishla halqimz ozbek futboli un juda ham katta foyda boladi faqat omad tililu yuchayvursin paxtakorimiz muhlisla kopayvursn bu faqat bizgaga +
+4   
13 мар 15:27:24
PAXTAKOR,INTER,CR7,MYU
Ishqilib kõz tegmasin Chempion bõlish nasib etsin Ochlda ham Superligada ham.Klubdan superklubga aylanish missiyasiga utilyapti.Yangi stadion ham super bõladi.Eng muhimi Muxlislar qaytyapti.kelasi safar 35000ming bõladi degan umiddaman
+3   
13 мар 21:13:30
Khorezm United
Shahboz Beg'amovni shu gapiga 100% qo'shilaman:

Томошабинларнинг жонли фонида футбол ўйини янада гўзал ва завқли кўринади, ширин туюлади. Мухлисларни стадионга чорлаш учун қўшиқчилар келиши ҳақидаги анонс ёки чиптани текин қилишга ҳожат йўқ. Ҳамма ишни тўғри йўлга қўйиш етарли. Чиройли ўйин орқали келадиган натижа ишқибозларнинг стадионга табиий равишда чорлайдиган ҳақиқий "магнит".
+3   
13 мар 17:05:56
geniy Geenrih
Арвеладзе қилаётган ишларини кузатиб Аяксда ортирган тажрибаларини Пахтакор амалга оширишга катта имконият яратиб берган деган фикрдаман.Ажойиб ишларни амалга оширмоқда.Ўтган йил охирида берган интервюсидан кегин кўпчилик Арвеладзе аравани қуриқ обқочябти деган фикрда бўлди, аслида эса кўриниб қолдики Арвеладзе хеч бир гапини "проста так"га гапирмаслиги.Искандеровни Локога бериб юборгандахам кўп танқид бўлди, аслида Искандеров ўз устида ишламай қўйганига бир йил эмас икки уч йил бўпқолди.Жалолиддин Машарипов эса кўп мехнат қиляпти, кўпчилик уни Роналдуга ўхшатади аслида эса Роналдуни қаттиқ хурмат қилган холда айтаман, мен учун Роналду ёки Мессидан қадрли ва хурматли.Қизиқ қаранги бизда иккита йирик юлдуз чиқса ва иккаласинихам исмида Яратганни исмиларидан бири Жалол исми бўлса.
+3   
13 мар 15:18:28
IB®OHIM UZBEKISTAN SA®IASIYA
Omad Al saadga qarshi o'yinda
+2   
13 мар 20:01:18
Это мой город это мой Карши
Бегамов узлигингни йукотма! Гонорар учун
+2   
13 мар 17:53:37
XAN_Architek
Maydonga 25 mingda studentni qattan topishdiykim a
+2   
13 мар 16:28:28
Muxlis
Насаф ютди!
+2   
13 мар 16:20:18
azizbek777
17чи профил фойдаланувчининг фикрига жавоб бериш
Яқин-яқингача илк профессионал клуб сифатида шаклланган "Бунёдкор"ни ўрнак сифатида айтиб юргандик. "Насаф"ни анча йиллар аввал қўйилган мустаҳкам пойдевори учун ҳозиргача жуда кўп жабҳаларда намуна қиламиз. Яқин келажакда эса "Пахтакор" кўплаб жамоалар учун ўрнак ва намуна бўлиш даражасига чиқмоқда......шахбозбек земляк нимани хисобига шундай кучайди?бу ерда арвеладзени сайи харакати евазига десангиз кушилмайман,катта пулни хисобига жамоа кучайди,бунк ва Насафда хам пахтакордаги имконият булганда пахтакорниям ортда колдирарди бундан ким ютарди?узбек футболи ютарди,очигини айтиш керак узбда факат бунедкор ва Насаф тугри йулни танлаган пул борида стадиониниям акадимиясини куриб олди афсуски бу жамоаларни кон томирини суний бугиш бутинлай нотугри карор булди,чемпионатда гранд жамоалар канча куп булса чемпионат хам кизикарли утади футболимиз хам усади,арвеладзига йигиб берилган таркибни хар кандай махалий мурабийимизга беринг ундан яхширок натижани кулга киритади,таркибда савияли футболчи булса хар кандай мурабийни уйлаган режасини камида 70%бажаради ,нунок футболчилар 20%хам бажара олмайди кейин ким емон уз узидан мурабий емонга чикади
Фёдеровни командаси Локо таркиби зўр лекин натижа йўқку?локога чет элдан кучлироқ мутахасис керак Хужумни якуни йўқ 2 таймда хаммаси 20 килолик сапог кийгандай ўйнаяптику
+2   
13 мар 16:04:56
Football united
Мақташга ҳали эртароқ манимча, ўтган йили ҳам яхши клубларимиз яхши бошлаб охирида колиб кетишган эди.
championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг