– Бугунги ўйин ҳақидаги таассуротларингиз билан ўртоқлашсангиз.
– Бугун "Олимпик Mobiuz" жамоаси билан ўйнадик. Олдиндан билардик, яхши жамоа, неча йиллик жамоа, чиройли футбол ўйнайди. Шунинг учун шунга яраша тайёргарлик кўрган эдик. Ўйин 0:0 ҳисобида якунланганига қарамасдан, менимча, яхши ўйин бўлди деб ўйлайман. Ғалаба бизга ҳам, уларга ҳам керак эди, якунда дуранг қайд этилди. Умуман олганда, ўйиндан қониқдик. Йигитлар кўрсатмаларни, барча вазифаларни бажаришди. Фақат охирида гол киритмаганимиз сабабли ҳисоб 0:0 бўлди.
– Адашмасам, жамоа дарвоза томон битта аниқ зарба берди. Бундай тажрибали футболчилари бор жамоа учун бу кам эмасми?
– Биз ўйин давомида кўплаб ҳужумлар қилдик. Буни ҳали таҳлил қилиб, кўриб чиқамиз. Қанотдан узатмалар ҳам бўлди, ёмон эмас. Яна айтаман, биз битта аниқ зарба берган бўлсак, улар ҳам, менимча, ё битта зарба берди, ёки умуман аниқ зарба бергани ҳам йўқ. Дарвозабонимиз қачон сакраб тўпни ушлаганини эслай олмайман. Жарима майдончасига тўп узатишлар пайтида уларда ҳам, бизда ҳам вазиятлар бўлди. Зарбалар кам бўлгани учун ҳам ўйин 0:0 ҳисобида якунланган бўлса керак.
