Йорк Гюлерни МЮда кўрмоқчи: "Де Брюйне ва Салоҳнинг "Челси"дан кетиши уларнинг фаолиятига ижобий тасир қилган эди"

"Арда Гюлерни бир неча йилдан бери вундеркинд деб аташмоқда ва у Туркия терма жамоасида мўжизавий гол уриб, гап-сўзлар ҳақиқатлигини исботлади.

У Еврода ёндиряпти ва энди ҳамма уни "Реал" захира ўриндиғидан қутқаришни хоҳлаб қолади.

Кевин Де Брюйне ва Муҳаммад Салоҳнинг "Челси"дек катта клубдан кетиши уларнинг фаолиятига ижобий таъсир қилганини кўрдик. Гюлер билан шундай бўлмайди деб ким айта олади.

У ҳар ҳафта майдонга тушиши имкониятига эга бўлиши керак. Ҳаммага маълум бир муддат учун тажрибали футболчи керак, аммо жаҳон юлдузига айланиши мумкин бўлган Гюлерни кўздан қочирмаслик лозим.

Мен МЮ уни сотиб олишини хоҳлайман" - деди Йорк.