Япония ТЖ собиқ аъзоси бош миясидаги операциядан кейин 32 ёшида вафот этди

Ҳужумчида гидроцефалия (мияда суюқлик йиғилиши) аниқланган ва у 3 октябрда шифохонага ётқизилганди. Жарроҳлик амалиётидан кейин Кудо реанимация бўлимига ўтказилган ва жума куни вафот этган.

Масаро Кудо футболчилик фаолияти давомида “Кашива Рейсол”, “Ванкувер Уайткэпс”, “Санфречче Хиросима”, “Ренофа Ямагути” ҳамда “Брисбен Роар” каби клублар шарафини ҳимоя қилган. Шунингдек, у 2010 йил Япония U-23 сафида Осиё ўйинларида бронза медалини қўлга киритган ва асосий термада 4 та учрашувда (2 та гол) майдонга тушган.