Футболчи суҳбат давомида жамоадаги ички муҳит ҳақида ҳам тўхталиб ўтди.
"Жамоани ичида футболчиларнинг барчаси янги, юлдузлар жамланди. Олдин чемпион бўлиб юрган йигитлар. Бошида бироз қийин бўлди. Лекин тушуниб етдикки, агар кўрпани ҳар ким ўз томонига тортаверса, у йиртилиб кетади. Ўртаси очилгач, ёпиб бўлмайди. Ҳаммаси ўз изига тушиб, мавсум якунида жамоамиз аҳил кўринишга келди. Ҳаммада бир-бирига меҳр уйғонди, шуни ҳисобига чемпионликни қўлга киритдик",- дейди Икром Алибоев.
