Яна бир «юлдуз» Саудия Арабистонидан кетмоқчи

Франциялик ҳужумчи иссиқ ва нам ҳавога мослашишда қийинчиликларга учраган ва шу сабабли Европага қайтиш йўлларини изламоқда. Бироқ «Ал Иттиҳод» ўз имижини бузмаслик учун 36 ёшли футболчи билан хайрлашиш ниятида эмаслигини маълум қилган. Улар Бенземани 2026 йилга қадар олиб қолишни мақсад қилишган.

Шунингдек, Бенземага «Ал Иттиҳод» бош мураббийи Марсело Гальярдо билан ишлаш ҳам ёқмаяпти. Унинг мураббий билан муносабатлари ёмон ҳолатда эканлиги маълум қилинган.

Маълумот учун, Бензема ўтган йилнинг ёзида «Ал Иттиҳод»га кўчиб ўтганди. У жорий мавсум барча мусобақаларда 29 та учрашувда майдонга тушиб, 13 та гол ва 8 та голли узатма амалга оширган.